Choeropsis (a Graeco: χοῖρος 'porculus' et ὄψις 'species'), sive Hexaprotodon (ἕξ 'sex' et πρῶτος 'primoris' et ὀδούς 'dens'), est genus familiae Hippopotamidarum, cui est una sola species: Choeropsis liberiensis, sive Hexaprotodon liberiensis. Choeropses, secretae et nocturnae, silvas et paludes Africae Occidentalis incolunt, praecipue in Liberia, sed paucae etiam in Monte Leonino, Guinea, ac Litore Eburneo. Choeropsis est multo minor Hippopotamo amphibio, alia specie quae exstat familia Hippopotamidarum. Magnam partem vitae suae in aqua degit, ut pellis humida et corpus non calidum maneat. Aut in aqua aut in terra coit et proles parit. Est herbivora et filices, plantas foliis latis, gramina, fructusque edit.
.jpg)