Sarbelius Makhlouf

Sarbelius Makhlouf, qui Arabice dicitur '"Charbel'" (1828–1898), fuit monachus Catholicus Maronita.

Sanctus Sarbelius Makhlouf
Monachus
Natus	8 Maii 1828
Mortuus	24 Decembris 1898
Index Sanctorum

Vita

Iosephus Antonius Makhlouf piis parentibus natus est in pago Buga-Kafra in Libano, anno 1828. Parente orbatus, puerulus sentiebat se a Deo vocari. Cum viginti annos haberet, in monasterium Maronitarum ingressus est in Maifuc. Postea profectus est in Annayam. Ibi novitiatu inito, mutavit nomen in Sarbelium, martyrem quendam, qui occubuit Edessae saeculo secundo et quem Maronitae celebrant die 5 Decembris. Ordinatus est sacerdos anno 1859. Anno 1875, data facultate, Sarbelius vixit in eremo Sanctorum Apostolorum Petri et Pauli. Illuc frequentissus populus se conferebat, ut consiliis eius uteretur. Anno 1898, die 16 Decembris, exeunte missa, membris captus, coepit animam efflare. Mortuus est eodem anno, die 24 Decembris.

Cultus

Sanctus Sarbelius canonizatus est, anno 1977, a Paulo Papa VI. Eius memoria, in tota Ecclesia Catholica, agitur die 24 Iulii. Inter Maronitas magis aestimatur quam ipse Sanctus Maron, Maronitarum Patronus.

Nexus externi

• Pagina Sancti Sarbelii Makhlouf in Enciclopaedia Sanctorum, SantieBeati.it
• saintcharbel-annaya.com Pagina interretialis sancto dicata.

Sancti

Haec stipula ad Sanctum spectat. Amplifica, si potes!