Carolus Koffi Diby
Carolus, vulgo Charles Koffi Diby (die 7 Septembris 1957 Bouaké in urbe natus; apud Abidjan mortuus die 7 Decembris 2019) fuit oeconomus et politicus Litoris Eburnei.
.jpg)
Alumnus fuit universitatis Abidianensis et scholae nationalis administrationis in eadem urbe sitae.[1] Minister delegatus ab oeconomia et vectigalibus die 4 Decembris 2005 factus est, primo ministro Carolo Konan Banny.[2] Minister principalis ab eisdem rebus fuit a die 29 Martii 2007 usque ad 7 Decembris 2010, iterum ab 11 Aprilis 2011 ad 21 Novembris 2012, primis ministris Gulielmo Soro et Ioanne Ahoussou-Kouadio. Insuper minister a munitione iuxta praesidem die 13 Martii 2012 factus est. Deinde minister rerum externarum meruit a die 22 Novembris eiusdem anni usque ad 12 Ianuarii 2016,[3] praeside Alassane Ouattara, primo ministro Daniele Kablan Duncan.
Notae
recensere- ↑ Ita fr:wiki
- ↑ Vide fr:Gouvernement Charles Konan Banny I
- ↑ Rulers.org
Bibliographia
recensere- André Silver Konan, "Côte d’Ivoire : décès de Charles Koffi Diby, président du Conseil économique et social" in Jeune Afrique (8 Decembris 2019)
 | |
|
Felix Houphouët-Boigny 1960 • Camillus Alliali 1963 • Arsenius Assouan Usher 1966 • Simeon Aké 1977 • Amara Essy 1990 • Christophorus M'Boua 2000 • Carolus Gomis 2000 • Abou Drahamane Sangare 2000 • Bamba Mamadou 2003 • Iosephus Bakayoko 2006 • Ioannes Maria Kacou Gervais 2010 • Alcides Djédjé 2010 • Daniel Kablan Duncan 2011 • Carolus Koffi Diby 2012 • Albertus Toikeusse Mabri 2016 • Marcellus Amon-Tanoh 2017 • Ally Coulibaly 2020 • Kandia Camara 2021 • Kacou Adom 2023 Capsae cognatae: Primi ministri Litoris Eburnei | |