Dhammacakkappavattana sutta

Dhammacakkappavattana sutta (Palice; Sanscritice Dharmacakrapravartana Sūtra 'Acroasis Rotae Iuris Incitandae'), vulgo Orsa de Circumagenda Dharmae Rota et Orsa de Iure Promulgato appellata, prima contio fuisse praetenditur illius qui postea Butta nuncupatur. Haec orsa ad Sarnath in paradiso Cervidarum habuit, auditoribus quinque (videlicet Kondañña, Assaji, Bhaddiya, Vappa, Mahānāma). Dies huius contionis medio mense Iulio sub nomine Āsāḷha Pūjā celebratur.

Butta primam contionem habet: simulacrum saeculo V exeunte factum, Sarnath in museo Sarnathensi monstratum.

Butta, primam contionem habens, rotam iuris incitat: manuscriptum saeculi XII Aṣṭasāhasrikāprajñāpāramitā sūtra.

Textus contionis, sicut per traditionem Theravadam Palice servatus et saeculo circiter quinto p.C.n. scriptus, in sectione undecima capituli 56 collectanei Saṃyutta Nikāya legi potest. Textus autem traditionis Mahayanae, Sanscrite eodem fere aevo conscripta, etiam Tibetane et Sinice servatur.

Hac contione, Butta quattuor veritates nobiles exposuit.

Nexus externi

• Versio Anglica contionis a domina Rhys Davids facta (pp. 356-360).
• Versio Anglica contionis a bhikku Bodhi facta.