Bismarcopolis
Bismarcopolis[1] (Anglice Bismarck, IPA [ˈbɪzmɑːrk]) est caput Dacotae Septentrionalis, civitatis Civitatum Foederatarum, et sedes Burleigh Comitatus.[2] Quae est secunda a frequentissima urbs in Dacota Septentrionali, post Fargonem. Numerus civium anno 2017 aestimatus est 72 865, sed numerus incolarum metropolitanorum erat 132 142. Anno 2017, Forbes magazina Bismarcopolim urbem septimam a rapidissime crescente urbe in Civitatibus Foederatis aestimavit.[3][4]
BismarcopolisLocus: 46°48′30″N 100°47′2″W
Numerus incolarum: 73 622
Zona horaria: UTC-6
Situs interretialis
Gestio
Procuratio superior: Burleigh County
Geographia
Territoria finitima: Mandan
Tabula aut despectus
Bismarcopolis ab Europaeo-Americanis anno 1872 condita est in orientali Fluminis Missuriensis ripa. Caput Dacotae Septentrionalis est ex 1889, cum civitas, e Territorio Dacotensi constituta, in Unionem admissa esset.
Capitolium civicum, altissimum aedificium in Dacota Septentrionali, in media urbe patet. Res publica civica plus quam 4000 hominum in urbe conducit.
Urbs primum Eduintonia (Anglice Edwinton) ex Eduino Ferry Johnson, ingeniario maximo societatis Northern Pacific Railway, appellata est, cum ferrivia ad orientales Fluminis Missuriensis ripas perveniret. Nomen autem minus quam annum post in Ottonem de Bismarck commutatum est, ut urbs advenas Germanicos attraheret.
Incolae clari
recensere
- Samuel Aanestad, medicinae dentium peritus et legatus civicus Californiae[5]
- Leslie Bibb, histrio[6]
- Ioannes Burke, iudex maximae iudicii civici, decimus gubernator Dacotae Septentrionalis, vicensimus quartus Aerarii Praefectus Civitatum Foederatarum[7]
- Neil Churchill, praefectus Bismarcopolis[8]
- Kent Conrad, Senator Civitatum Foederatarum[9]
- Ioannes Hoeven, tricensimus primus gubernator Dacotae Septentrionalis[10]
- Thomas S. Kleppe, quondam praefectus Bismarcopolis[11]
- Michael Peluso, ala dextra turmarum Chicago Blackhawks et Philadelphia Flyers[12]
- Eduardus Schafer, vicensimus gubernator Dacotae Septentrionalis, vicensimus nonus Secretarius Agriculturae Civitatum Foederatarum[13]
Notae
recensere- ↑ Traupman, Iohannes. [2003]. Colloquia Latine Exercito Orali, editio tertia (Anglice: Conversational Latin for Oral Proficiency, Third Edition.). pp 209. Vauconda, IL: Editores Bolchazy-Carducci. ISBN 086516438X
- ↑ "Find a County". National Association of Counties.
- ↑ Kotkin, Joel (2014-09-03). "America's Fastest-Growing Small Cities". Forbes.
- ↑ "Metropolitan and Micropolitan Statistical Areas Population Totals: 2010-2017".
- ↑ Roadblock Republicans - calitics. . calitics.com.
- ↑ Owen, Rob (4 Martii 2012). "Four former Richmonders help bring laughter to TV". Richmond Times-Dispatch
- ↑ "John Burke". Architect of the Capitol.
- ↑ "Neil Churchill". Sports Reference LLC..
- ↑ "Kent Conrad". Biographical Directory of the United States Congress.
- ↑ "John Hoeven". Biographical Directory of the United States Congress.
- ↑ "Thomas S. Kleppe". Biographical Directory of the United States Congress.
- ↑ "Mike Peluso". Sports Reference LLC..
- ↑ "Ed Schafer". usda.gov.
Nexus externi
recensere
|
Vicimedia Communia plura habent quae ad Bismarcopolim spectant. |