Bigae

Bigae (-arum plur., vel postea biga,-ae) in antiquitate erat currus duobus equis iunctus. Hoc verbum contractum ex biiugae est. Cursus bigarum ludis circensibus fiebant. Deae quoque nonnumquam bigis vehebantur, in primis Luna/Diana (contra frater Sol/Apollo quadrigis vehebatur) et Victoria.

Denarius bigatus circa 79 a.C.n. percussus : ex una parte caput Dianae cum arcu et pharetra. Ex altera Victoria bigis vecta, palmam et coronam tenens.

Stricto sensu biga est iunctura duorum animalium : itaque in fabulis mythologicis Cybele aerem scindit bigis leonum^[1], Diana bigis cervorum^[2], Medea bigis draconum etc.

Bigati (sc. nummi) erant genus denariorum cui hoc nomen fuit quia dea bigis vecta signabantur.

Notae

↑ Lucretius II,601. Catullus Carmen 63 versus 77sqq. Vergilius Aeneis, X,252-255 etc.
↑ E.g. in denariis Romanis : Ernest Babelon, Description historique et chronologique des monnaies de la République romaine, 1885 : Aelia 4. Etc.

Plura legere si cupis

Elizabeth Rawson, "Chariot-Racing in the Roman Republic", Papers of the British School at Rome, 1981: 1-16

[1] Lucretius II,601. Catullus Carmen 63 versus 77sqq. Vergilius Aeneis, X,252-255 etc.

[2] E.g. in denariis Romanis : Ernest Babelon, Description historique et chronologique des monnaies de la République romaine, 1885 : Aelia 4. Etc.

[1]

[2]