Bicornis
Bicornis[1], vel Arabice Du al-Qarnain est Alcorani persona, de quo sura XVIII (Al-Kahf) narrat. Rex iustissimus et potentissimus et Deo fidelis, orbem terrarum ab occasi Solis ad ortum tenebat, iustos servans et peccatores multans; murum ferreum inter montes aedificat ut populos boreales Gog et Magog excluderet, quem murum ante diem Iudicii ultimi Gog et Magog destruerent. Iskandar (Alexander) Du al-Qarnain ab interpretibus interdum nominatur.
_building_the_brazen_wall_against_the_people_of_Gog_and_Magog._Painted_on_paper.jpg)
E fabulis de Alexandro Magno, qui in nummis ut Ammonis filius cum cornubus duobus figuratur, fabulam Bicornis multa sumpsisse nemo dubitat; etiam murus in vita Alexandri Graeca memoratur.
Saepe poetae orientales de Alexandro ut de Bicorne scripserunt, quorum Nizami (Iskandar-nama) et Nava'i (Saddi Iskandariy) nominari possunt.
Notae
recensere- ↑ Ludovicus Marracci, Alcorani versio, p. 424.
Nexus externi
recensere- De Bicorne in Encyclopaedia Musulmana (Turcice)
- De Bicorne in Lexico encyclopaedico Musulmano (Russice)