Bialogroda

Bialogroda^[1] (Ucrainice Білгород-Дністровський, tr. Bilhorod-Dnistrovs'kyj) est urbs, in Bessarabia ad ostium Tyrae fluvii, ubi in limenem Tyraicum effunditur, sita; nunc ad regionem Odessanam Ucrainae pertinet et circa 50 milia incolarum (anno 2014) habens.

Vide etiam paginam discretivam: Belogradum (discretiva).

Bialogroda, quae plus quam 2,5 milia annorum ut locus habitatus exsistit, olim in possessione variarum gentium et civitatum erat et nonnulla nomina alia habebat, e.g.:

Ophiusa, dein Tyras, ut colonia Graecorum;
Alba Iulia vel Album Castrum, ut oppidum Imperii Romani;
Moncastro, ut colonia Genuensium saeculis quarto decimo et quinto decimo;
Cetatea Albă, ut urbs ducatus Moldaviae saeculo quinto decimo et Romaniae annis 1918–1940;
Akkerman, ut castrum et urbs Imperii Ottomanici ab anno 1484 ad annum 1812, postquam ut urbs Imperii Russici^[2].

Anno 1944, paulo post urbs Akkerman ad Ucrainam, tunc rem publicam Unionis Sovieticae, adiuncta est, Bialogrodae nomen, quo Slavi iam a saeculo nono eam vocaverunt, factum est appellatio officialis huius urbis (tamen cum additione, positionem ad Tyram fluvium denotanti).

Notae

↑ E. Uhse, Universal-geographisch-historisches Lexicon, p. 141
↑ J. G. Th. Graesse, Orbis Latinus, Brunopoli 1972, vol. II, p. 527 (Ucrainice Летичів).

Nexus externi

Situs geographici et historici: Locus: 46°11′38″N 30°20′28″E • GeoNames • Store norske Lexikon • Treccani • Большая российская энциклопедия

Vicimedia Communia plura habent quae ad Bialogrodam spectant.

[1] E. Uhse, Universal-geographisch-historisches Lexicon, p. 141

[2] J. G. Th. Graesse, Orbis Latinus, Brunopoli 1972, vol. II, p. 527 (Ucrainice Летичів).

[1]

[2]