Basiliscus
Vide etiam paginam discretivam: Basiliscus (discretiva)
Basiliscus (Graece βασιλίσκος), sive regulus[1] est serpens fabulosa cuius afflatus et aspectus letales sunt.
Gaius Plinius Secundus in Naturali historia basiliscum comparat cum catoblepa, "omnibus, qui oculos eius videre, confestim expirantibus":[2]
Eadem et basilisci serpentis est vis. Cyrenaica hunc generat provincia, duodecim non amplius digitorum magnitudine, candida in capite macula ut quodam diademate insignem. sibilo omnes fugat serpentes nec flexu multiplici, ut reliquae, corpus inpellit, sed celsus et erectus in medio incedens. necat frutices, non contactos modo, verum et adflatos, exurit herbas, rumpit saxa: talis vis malo est. creditum quondam ex equo occisum hasta et per eam subeunte vi non equitem modo, sed equum quoque absumptum. atque huic tali monstro—saepe enim enectum concupivere reges videre—mustellarum virus exitio est: adeo naturae nihil placuit esse sine pare. inferciunt has cavernis facile cognitis soli tabe. necant illae simul odore moriunturque, et naturae pugna conficitur.[3]
Notae recensere
- ↑ Carolus Du Cange et al. (1883-1887). Glossarium mediæ et infimæ Latinitatis. Niortii: Favre Dictionary of Medieval Latin from British Sources apud ΛΟΓΕΙΟΝ, s.v. "regulus"
- ↑ Gaius Plinius Secundus, Naturalis Historia 8.77.
- ↑ Plinius, Naturalis historia 8.78.
Nexus externi recensere
|
Vicimedia Communia plura habent quae ad basiliscum spectant. |