Aurora consurgens
Aurora consurgens est tractatus de alchemia in lingua Latina mediaevali scriptus. Olim a Thoma Aquinate scriptus esse false census fuit. Veterrimum manuscriptum (Turici Zentralbibliothek MS. Rhenoviensis 172), mancum, fere anno 1420 confectum est. Completum exemplar fere anno 1450 confectum est (Praga, Universitni Knihovna, MS. VI. Fd. 26).
Opus recensere
Textus magnam partem est commentarium saeculi X Arabici tractatus, Tabulae Chemicae, scriptae a Zadith Filio Hamuel sive Arabico alchemista Ibn Umail. Mala Latina conversio circum saeculum XII facta est. Textus murales imagines ekphrase describit subterranei pyramidis cubiculi, in quo smaragdinea aut marmorea tabula, hieroglyphicis signis insculptis, super mythici alchemiae conditoris Hermae Trismegisti genus iacet. Imagines postea additae sunt. Secundum Tabulam chemicam, pictogrammata transcripta sunt, quod certum facit Hermae doctrinae integritatem. Aurora consurgens repraesentat igitur scientiae Antiquitatis renovationis mythum, qui Renascentiae tempore magni momenti erat. Quam scientiam a deis ortam per pictogrammata tradere hominum verbis depravare vitet[1].
Praeclarae conversiones recensere
Textus anno 1966 conversus et commentatus est a psychologa Maria-Ludovica von Franz, collega psychanalystae Caroli Jung[2].
Recensus manuscriptorum recensere
Manuscripti exemplaria decem noti sunt[3] quorum omnes in Europaeis bibliothecis conservantur:
- Bibliotheca centralis Turicensis, MS. Rhenoviensis 172 (100 folia, 26 imagines quarum 2 in plena pagina), fere 1420;
- Bibliotheca Universitatis Glasguensis, MS. Ferguson 6;
- Bibliotheca Academiae Lugduno-Batavicae, MS. Vossiani Chemici F. 29;
- Lutetia, BnF, MS. Latin 14006 : Traités d'alchimie, includens Aurorma consurgentem et duo alia manuscripta, Librum secretorum alchimie et Florem regis, sine imagine;
- Bibliotheca Universitatis Carolinae Pragensis, MS. VI. Fd. 26;
- Praga, Knihovna Pražské Metropolitní Kapituly, MS. 1663. O. LXXIX;
- Bibliotheca Civitatis Berolinensis, MS. Germ. qu. 848;
- Bibliotheca Universitis Almae Matris Studiorum, MS. N. 747, anno 1492;
- Biblioteca Marciana de Venise;
- Bibliotheca Nationalis Austriaca in Vindobona, Codex Vindobonensis 5230.
Illustrationes recensere
.jpg)
In modernis operibus recensere
- Aurora consurgens est titulus operis power metal musicae a grege Brasiliano Angra compositi, anno 2006 editi. Involucrum primam manuscripti imaginem repraesentat, sive duos geminos in nigri aquilae unguibus.
- Aurora consurgens etiam est titulus mythistoriae Italici scriptoris Angeli Vetturini, anno 2012 publicati. Involucri imago est proelium Solis et Lunae, a Turicensi exemplare inspiratum.
Notae recensere
- ↑ Barbara Obrist Visualization in Medieval Alchemy International Journal for Philosophy of Chemistry, Vol. 9, No.2 (2003), p.131-170 apud rete
- ↑ Aurora Consurgens, le lever de l'aurore apud Cgjung.net
- ↑ Pagina de opere apud E-codices.unifr.ch
Bibliographia recensere
- Aurora Consurgens (1966), liber editus a Maria-Ludovica von Franz.
- Barbara Obrist, Les débuts de l'imagerie alchimique (XIV-XVe siècles), Le Sycomore, coll. « Féodalisme », 1982 (revisa a William Newman Medieval Academy of America 1985)
Nexus interni
Nexus externi recensere
- Electronica versio (200 paginae) exemplaris Turicensis
- Visualization in Medieval Alchemy a Barbara Obrist
- Textus et varia commentaria in situ Hdelboy
- Descriptio figurarum Aurorae consurgentis apud Levity.com