Argentovaria (Rhenus superior)

Argentovaria^[1] vel Castrum Argentariense (vulgo Horbourg-Wihr, Germanice Horburg) est commune Francicum 5'243 incolarum (anno 2012) praefecturae Rheni Superioris et ab anno 2021 Communitatis Europaeae Alsatiae in regione orientali olim Alsatia, post autem diem 1 Ianuarii 2016 Alsatia Campania Arduenna et Lotharingia et nunc ex plebiscito Grand Est appellata.

In hoc vico, qui iam tempore Romanorum florebat^[2], nuper Aestivalia Eponae instituta sunt ad aetatem Galloromanam quotannis celebrandamː his feriis antiquitatis amatores coeunt, habitum hominum illius aetatis induunt, alii gestus artificum Gallorum imitantur, alii gladiatorum pugnas simulant, feminae lanae nendae operam dant^[3].