Apolda
Apolda[1] est urbs Thuringiae in Circulo Weimarer Land sita.
Apolda
Locus: 51°1′29″N 11°30′50″E
Numerus incolarum: 23 072
Zona horaria: UTC+1, UTC+2
Situs interretialis
Gestio
Geographia
Territoria finitima: Bad Sulza, Ilmtal-Weinstraße, Wiegendorf
Coniunctiones urbium
Tabula aut despectus
Quaestus recensere
Ars campanarum fundendarum paene per tria saecula in urbe Apolda gravitudini maximae fuit, quae e.g. in fabricis Rose, Ulrich, Schilling exercebatur. Anno 1722 campana prima, anno 1923 ecclesiae cathedrali Coloniensi campana libere pendens maxima facta erat. Anno autem 1952 museum institutum est de arte campanaria ubi etiam generatim de historia musicae primitivae informaris; invenitur in via Bahnhofstraße 41. Ad latus alterum est pinacotheca illustris (Kunsthaus Apolda) et museum de vita cottidiana tempore Reipublicae democraticae Germanicae degenda. In urbe est etiam braxatorium nomine "Apoldaer".
Historia recensere
Prima mentio certi loci cum fanis duobis anno 1119 fuit. Post annum 1250 burgus sedes fuit dynastiae Franconicae cuiusdam. Illi usque annum 1361 Apoldenses imperabant. Anno autem 1289 privilegia urbana incolis concessa sunt.
Iam Medio Aevo agricultura minuente quaestus varii praevalere coeperunt. Anno 1593 tibialium textor David famosus erat; machinae diversae non solum lucrum sed etiam domorum quaestuariarum numerum augebant. Ioannes Volfgangus Goethius ipse officialiter pro gubernio agens in rebus commercialibus intente de isto quaestu indagabat. Saeculo XIX mores recentissimi et formae novissimae in habitu magis magisque observabantur. Institores varii insuper de scholis modernis instituendis, de mensis argentariis collocandis et de ferriviaria infrastructura curabant.
Res aspectabiliores recensere
Anno 1663 Vitinenses privilegia Apoldae iuridica Universitati Litterarum Ienensi mutua dederunt. In castello media in urbe sito diversa spectacula culturalia fiunt. In platea centrali visu dignissima sunt curia temporis renascentiae cum scalarum turri (1558/59), puteus et aedificia patriciorum. Mentio fiat etiam de Ecclesia Sancti Martini saeculi XII cuius restructio in genus Barocum anno 1683 facta est, de Ecclesia Lutheri (anni 1891) et de Ecclesia Sancti Bonifatii (generis Neogothici).
Maximi momenti architectonici viaeductus ferriviarius esse videtur. Nec viridaria lata desunt: anno 2017 hic expositio horticulturalis Thuringiensis celebrabatur. In proximitate oppidi reperiri possunt Castellum Kapellendorf et monumentum militum in Napoleonem tyrannum pugnantium.
Multi homines Museum de Re publica democratica Germanica visitant.
Nota recensere
Nexus externi recensere
|
Vicimedia Communia plura habent quae ad Apolda spectant. |
- Situs proprius
- Apoldaer Heimat – Schriftenreihe des Apoldaer Geschichtsverein e. V., series scriptorum historicorum
|
Lege Ἀπόλντα ("Apolda") apud Vicipaediam lingua Graeca antiqua scriptam |