Animula vagula blandula

Animula vagula blandula est primus versus carminis, quod imperator Hadrianus moribundus aestate anni 138 p.C.n. composuisse traditur, teste Historia Augusta.

Versus infra descriptos imperator ingravescente iam aetate cum iam morbo fatali gravaretur in villa amplissima eius ad Baias sitam elocutus esse dicitur.

Quod carmen cum levissimi esse momentis primus Aelius Spartianus censeret ab philologis recentioris aetatis (e.g. Isaacus Casaubonus) vim quandam poeticam exhibere iudicatum est.

Carminis versus

Animula vagula blandula

Hospes comesque corporis

Quae nunc abibis in loca

Pallidula rigida nudula

Nec ut soles dabis iocos

Nexus externi

• Textus vitae Hadriani apud The Latin Library