Anapaestus
Anapaestus (a verbo Graeco ἀνάπαιστος) est pes artis metricae Graecae et Latinae; in serie constat duarum brevium syllabarum atque longae extremae syllabae, in quam ictus cadit. Ob formam suam (∪ ∪ —) non numquam vocatur antidactylus.
Origo nominis a verbo Graeco ἀναπαίω 'repercutio' ducitur. Alii putant etymologiam ad formam pertinere anapaesti oppositam dactylo (— ∪ ∪); alii autem antiquitus affirmant Dores et Lacedaemones usos fuisse anapaestis metris ad itinera militaria (sic ut ἐμβατήρια, embatéria) dirigenda, quorum rhythmus alternatim pedibus pulsabatur.
Bibliographia
recensere- M. L. West, Greek Metre. Oxonii: Clarendon Press, 1982. ISBN 0-19-814018-5