Ṣalāḥ al-Dīn Mazwār

Ṣalāḥ al-Dīn Mazwār seu litteris Arabicis صلاح الدين مزوار (die 11 Decembris 1953 natus in urbe Meknes), olim canistri lusor, est negotiator et politicus Marocanus.

Ṣalāḥ al-Dīn Mazwār

Res apud Vicidata repertae:

Nativitas: 11 Decembris 1953; Meknes
Patria: Marocum

E familia religioni observantissima ortus, Tingi in urbe educatus, Ṣalāḥ al-Dīn Mazwār est alumnus universitatis Gratianopolitanae necnon Instituti Superioris Commercii et Administrationis urbis Anfae Institutique Europaei Administrationis Negotii ad fontem Bleaudi.

Societatibus commercialibus Marocanae, Tunesianae, Hispanicae director meruit. Minister ab industria a die 8 Iunii 2004 ad 15 Octobris 2007 fuit, primo ministro Driss Jettou, deinde usque ad diem 3 Ianuarii 2012 minister a vectigalibus, primo ministro Abbas El Fassi, atque mox a die 10 Octobris 2013 minister a rebus externis, primo ministro ʿAbd al-Ilāh Binkīrān.

Bibliographia recensere

Antonius Blinken secretarius vicarius Civitatum Foederatarum (media imagine) et Ṣalāḥ al-Dīn Mazwār Rabati anno 2013 pronuntiant

Tahar Abou el Farah, "Qui est réellement Salaheddine Mezouar ?" in La Vie éco (9 Maii 2012)

Nexus externi recensere

Vicimedia Communia plura habent quae ad Ṣalāḥ al-Dīn Mazwār spectant.

Ministri rerum externarum Marocenses


Ahmed Balafrej 1956 • Abdallah Ibrahim 1958 • Driss M'Hammedi 1960 • Ahmed Balafrej 1961 • Ahmed Réda Guédira 1963 • Ahmed Taibi Benhima 1964 • Mohamed Cherkaoui 1966 • Ahmed Laraki 1967 • Abdelhadi Boutaleb 1969 • Youssef Ben Abbes 1970 • Abdellatif Filali 1971 • Ahmed Taibi Benhima 1972 • Ahmed Laraki 1974 • M'hamed Boucetta 1977 • Abdelouahed Belkeziz 1983 • Abdellatif Filali 1985 • Mohamed Benaissa 1999 • Taieb Fassi Fihri 2007 • Saʿd al-Dīn al-ʿUṯmānī 2012 • Ṣalāḥ al-Dīn Mazwār 2013 • Nasser Bourita 2017 Opus geopoliticum • Ministri a rebus externis civitatum Africanarum hodiernarum Capsae cognatae: Primi ministri Maroci