Theoria undarum gubernatoriarum De Broglie-Bohm

Theoria undarum gubernatoriarum De Broglie-Bohm est theoria, quam Ludovicus de Broglie primus proposuit et David Bohm postea elaboravit, ubi ambo--et undas quanticas et particulas singulares--simul existere postulatur, eo proposito ut omnia phaenomena quantica explanentur.

Qua in theoria, ecce unda quantica $\psi (\mathbf {x} _{1},\mathbf {x} _{2},\ldots ,\mathbf {x} _{N},t)$, functio omnium coordinatorum particularum, quae aequationi undali Schrodingerianae

$i\hbar {\frac {\partial }{\partial t}}\psi =-\sum _{k=1}^{N}{\frac {\hbar ^{2}}{2m_{k}}}\nabla _{k}^{2}\psi +V\psi$

semper obtemperat, ubi index k quamque particulam moventem numerat in energiae motus et $V$ est applicabilis mutua energiae potentialis functio, et aequationi est etiam deputo ad $H$, Operator Hamiltonianus. Quae unda $\psi$ traiectorias particularum deterministice regit secundum aequationem gubernatoriam

${\frac {d\mathbf {x} _{k}}{dt}}={\frac {\hbar }{m_{k}i}}\left({\frac {\nabla _{k}\psi }{\psi }}\right)$.

Quae aequatio insignem mechanicae quanticae proprietatem quae in lingua scientifica inlocalitas seu actio in distans appellatur perspicue monstrat, propterea quod particulae k velocitas tempore t dependet ab $\psi$, quae invicem dependet ab omnibus aliarum particularum positionibus eodem tempore $(\mathbf {x} _{1},\mathbf {x} _{2},\ldots ,\mathbf {x} _{N},t)$ . Ergo, id quod quaedam particula nunc hic agit ab eis determinatur, quae simul longe alibi accidunt.

Hodie multi physici, qui Bohmiani saepe nuncupantur, hanc theoriam rectam esse corde credunt et elaborant ut et omnia phaenomena relativistica et de multis particulis creandis et delendis explanentur.

Hac in theoria, omnia phaenomena mirabilia, quae cum mensura quantica associantur, eveniunt et explanari conantur propter duo facta postulata:

• primum, quod particulae in tempus super omnes possibiles positiones intiales caece et statistice dispergentur (ut distributio initialis a functione undali quadrata initiali demum detur) et non possumus earum positiones particulares metiri nisi unda ipsa instrumento mensurali mutetur,
• secundum, quod collapsus undarum quanticarum propter mensuram solumodo est apparens: unda quantica (quae singula in universo esse et omnes res et particulas complecti postulatur) sola secundum aequationem Schrodingerianam in tempus commutatur, videtur autem abrupte propter mensuram commutare solum cum in descriptione ignorentur coordinata omnium aliarum particularum in universo.