Quantum redactiones paginae "Regnum Neapolitanum" differant

His profligatis a rege [[Alphonsus V (rex Aragoniae)|Alphonso Magnanimo]], qui iam in Aragonia Siciliaque regnebat, regni unitas anno 1442 restituta est, sed anno 1458 ob Alphonsi mortem, cuius frater Ioannes I Aragonensis Siciliam cepit cum pars paeninsularis notho eius Ferdinando tributa esset, iterum fracta est. Ferdinandi tamen filii plus quam semel oppugnati a regibus Franciae [[Carolus VIII (rex Franciae)|Carolo VIII]] et [[Ludovicus XII (rex Franciae)| Ludovico XII]], qui Andegavensium regum hereditatem sibi vindicabant, contra eos sine regum Aragonensium auxilio regnum defendere nequiverunt. Itaque anno 1504 [[Ferdinandus II (rex Aragoniae)| Ferdinandus II Aragonensis]], qui copias Francicas debellaverat et expulerat, patruelem Fridericum, iam e regno a Francicis eiectum, in Neapolitanum thronum non restituit et regni unitatem sub sceptro suo reparavit. Nepos eius Carolus et deinceps Habsburgi e ramo in Hispania regnante utrius Siciliae reges fuerunt usque ad initium saeculi XVIII. Nam e foederibus quae [[Bellum de successione Hispanica]] terminaverant Sicilia domui Sabaudiae anno 1713 tributa est et pars paeninsularis imperatori [[Carolus VI (imperator)|Carolo VI]] anno 1714 tributa est. Imperator tamen Siciliam cum Sardinia anno 1718 mutavit ob quam rem regni unitas sub Habsburgorum in Austria regnantium sceptro iterum restituta est.