Quantum redactiones paginae "Publius Cornelius Scipio Aemilianus Africanus" differant

Scipio Aemilianus primum in Hispania, Lucullo duce, militavit; eoque in bello egregia fuit sua opera. Nam rex quidam barbarus mirae proceritatis splendidis armis ornatus, saepe Romanos provocabat, si quis singulari certamine secum vellet congredi. Cumque nemo contra eum exire auderet, suam Romanis ignaviam cum irrisu et ludibrio exprobrabat. Non tulit indignitatem rei Scipio, progressusque ad hostem, conserta pugna eum prostravit, pari Romanorum laetitia et hostium terrore, quod ingentis corporis virum ipse exiguae staturae deiecisset. Scipio multo maius etiam adiit periculum in expugnatione urbis, quam tunc obsidebant Romani : nam ipse primus murum conscendit, viamque aliis militibus aperuit. Ob haec praeclare gesta, Lucullus dux iuvenem pro concione laudatum murali corona donavit.

 

{{Viri Illustres}}

{{DEFAULTSORT:Cornelius Scipio Aemilianus Africanus, Publius}}

[[Categoria:Consules]]

[[Categoria:Censores]]

[[Categoria:Senatores]]

[[Categoria:Nati 185 a.C.n.]]

[[Categoria:Mortui 129 a.C.n.]]