Quantum redactiones paginae "Les Belles Lettres" differant

Exemplum libri « Budé » non immutatum est ab anno millesimo nongentesimo vicesimo. In pagina dextra est scriptum graecum aut latinum. Editiones semper statuuntur de integro, secundum manu exaratos libros habitos gravissimos : peliculae librorum manu scriptorum praecipuorum efficiuntur ad scriptum constituendum. Scriptum constitutum spectat ad restituendum scriptum antiquissimum traditum codicibus. Philologus idcirco constituit quasi stemma librorum manu scriptorum comparandis variis lectionibus, id est, « stemma codicum ». Apparatus criticus subest scripto archetypo, indicatis variis lectionibus manu scriptorum librorum consideratorum. In sinstra pagina est translatio enitens ante omnia ad reddendum scripti motum, colorem, sonum. Editio et translatio committuntur uni aut compluribus interpretibus scientibus auctoris et inspiciuntur magna cum cura ab alio. In tergo paginae tituli haec mentio apparet, quam omnes seriei lectores cognoverunt : « Secundum decreta Societatis Guillaume Budé, hic liber submissus est approbationi consilii ad artem pertinentis, quod commisit cuidam correctori ut eum emendet et exploret ejus exemplaria conjuncte cum quodam editore et interprete.

 

 

Hodie plus octingentorum librorum editi sunt (paulo plus graecorum quam latinorum). Series etiamnunc pertinet ad omnia publicanda quae scripta sunt graece et latine usque ad medium saeculum sextum post J.C. (usque ad regnum principis Justiniani), litteris, philosophia, theologia, mathematicis, medicina, astronomia, geographia, jure... Sed tamen scriptores christiani, qui plene comparebant in primo editionis consilio, relicti sunt diligentiae corporis Fontium christianorum in editionibus Cervi. Sola scripta litterata Patrum Ecclesiae, ut verbi gratia Confessionum libri Augustini, eduntur aut edentur Liberalibus Litteris.