Quantum redactiones paginae "Silius Italicus" differant

'''Tiberius Catius Asconius Silius Italicus''' (natus est anno [[26]], mortuus est anno [[101]]) senator Romanus et poeta fuit.

 

De patria et origine Silii Italici nihil certi novimus, sed fuit senator ditissimus, qui in Campania villas multas et magnas possidebat. Filios duos habuit, quorum unus Severus ante patrem mortuus est<ref>[[Martialis]], ''Epigrammata'', IX 86</ref>, alter [[Lucius Silius Decianus]] patre vivo anno [[94]] consul suffectus factus est<ref>Martialis, ''Epigrammata'', VIII 66,4</ref><ref>Der Neue Pauly, Stuttgardiae 1999, T. 11, c. 557</ref>.

 

Iuvenis orator et [[Nero (imperator)|Nerone]] imperatore sua sponte delator fuit<ref>[[Martialis]], ''Epigrammata'', VII 63</ref> et famam suam laesit<ref>[[Gaius Plinius Caecilius Secundus]], ''Epistulae'', III 7</ref>. Anno [[68]] consulatum ordinarium gessit, sed Aprile iam magistratu expulsus est, cum Nero consulem sine collegam se ipsum fecit, ut rebellionem [[Gaius Iulius Vindex|Gaii Iulii Vindicis]] in Gallia opprimeret<ref>[[Suetonius]], ''Nero'' 43</ref>. Postea Italicum "''in [[Vitellius|Vitellii]] amicitia sapienter se et comiter''" gessisse Plinius<ref>loco citato</ref> laudat. Nam bello civili anno [[69]] colloquiis interfuit, quibus imperium a Vitellio in [[Vespasianus|Vespasianum]] tranferretur<ref>[[Tacitus]], ''Historiae'', III 65</ref>. Anno [[77]] proconsul [[Asia (provincia Romana)|Asiae]] factus est.

 

Postquam Romam revertebat, Silius Italicus a vita publica recessit et villis opulentissimis in Campania vivebat. [[Cicero]]nem, cuius villam emit, et [[Vergilius|Vergilium]], cuius sepulchrum apud [[Neapolis|Neapolim]] restituit<ref>Martialis, XI 48</ref>, valde venerabatur. Anno [[101]] mortuus est, de causa eius mortis Plinius epistula nos certiores facit: "''Modo nuntiatus est Silius Italicus in Neapolitano suo inedia finisse vitam. Causa mortis valetudo. Erat illi natus insanabilis clavus, cuius taedio ad mortem irrevocabili constantia decucurrit usque ad supremum diem beatus et felix ...''<ref>Plinius, loco citato</ref>"

 

Hic varia opera, sed praesertim "''Punicas''", carmen epicum de [[Secundum Bellum Punicum|Secundo Bello Punico]] composuit. Ex libris XVII Punicorum '''libri I-'''V de initio belli inter Romanos et Karthaginienses in [[Hispania]] referunt [[Hannibal]]e paulatim surgente. '''Libro VI''' [[Quintus Fabius Maximus]] et [[Marcus Atilius Regulus]] duces Romanorum laudati sunt. '''Libris VII ad usque XI''' Silius pugnam apud [[Cannae|Cannas]] factam, victoriam Hannibalis et quomodo in [[Capua]] effeminavisset, nobis narrat. '''Libro XII''' [[Iuppiter (deus)|Iuppiter]] ipse Romam servat, '''libri XIII - XV''' victoriam Romanorum et pugnam apud [[Zama]]m referunt.

 

*J.D. Duff, duo tomi, cum translatione Anglica, [[Cantabrigia iuxta Flumen Carolanum|Cantabrigia]], ⁷1996

 

praedecessores= [[Lucius Iulius Rufus]] et [[Fonteius Capito]]|

annus= 68<br />cum<br />[[Publius Galerius Trachalus|Publio Galerio Trachalo]]|

 

{{DEFAULTSORT:Silius Italicus, Tiberius Catius Asconius}}

[[Categoria:Senatores]]

[[Categoria:Proconsules Asiae]]