'''Raphael Palma''' (''Rafael V. Palma''; natus apud Tundo [[Manila]]e die [[24 Octobris]] [[1874]]; mortuus Manilae die [[24 Maii]] [[1939]]), filius Hermogenis Palma et Hilariae Velasquez, fuit diurnarius, rerum gestarum scriptor et politicorum peritus [[Philippinae|Philippinarum]] sub tutela [[CFA|Civitatum Foederatarum Americae]]. Fuit frater maior natu poëtae [[Iosephus Palma|Iosephi Palma]]. In matrimonium duxit Carolinam Ocampo, editoris [[Martinus Ocampo|Martini Ocampo]] filiam.
IurisprudentiaeAlumnus [[Universitas Athenaea Manilensis|Athenaei Manilensis]], iurisprudentiae studuit apud [[Universitas Sancti Thomae Manilana|Universitatem Sancti Thomae]]; postea apud diurna ''La Independencia'' (pseudonymo "Dapit Hapon") et ''Ang Kalayaan'' commentationes scripsit. Editore anteriori [[Antonius Luna|Antonio Luna]] die [[5 Iunii]] [[1899]] necato, Palma factus est editor eiusdem ''La Independencia''. Annis insequentibus fuit scriptor anno [[1900]] diurni [[Cebu]]ani ''El nuevo dia'' (conditoribus [[Sergius Osmeña|Sergio Osmeña]] et [[Iacobus de Veyra|Iacobo C. de Veyra]]), mox etiam scriptor apud ''El renacimiento'' (editore Martino Ocampo). Anno [[1907]] pro provincia [[Cavite]] in [[Comitia Philippinarum|Comitiam]] electus, ab anno [[1909]] in [[Commissio Philippinarum|Commissionem Philippinarum]] appellatus est et continuatim a [[1916]] usque ad [[1922]] [[Senatus Philippinarum|senator]] fuit. Ab anno [[1917]] minister rerum internarum fuit in concilium ministrorum; anno [[1919]] [[Missio de Independentia Philippinarum (1919)|de independentia Philippinarum]] [[Vasingtonia]]e missus est. A mense Iulii [[1925]] fuit praeses, quartus ille, [[Universitas Philippinarum|Universitatis Philippinarum]], quam dignitatem usque in annum [[1933]] retinuit.
