Nova pagina: '''Iohannes Didacus''' piis parentibus, qui ab Astecis originem duxerunt, in urbe Mexico ortus est. Circa annum millesimum quingentesimum vicesimum tertium, a Beata Dei Genetri...
'''Iohannes Didacus''' piis parentibus, qui ab Astecis[[Aztecus|Aztecis]] originem duxerunt, in urbe Mexico ortus est. Circa annum [[1523|millesimum quingentesimum vicesimum tertium]], a Beata Dei Genetrice legationem sibi suscepit ad episcopum Iohannem Sumaragam, ut in colle Tepeiaco sacellum curaret exstrui in Virginis honorem. Cum episcopus penitus recusaret, ipsa Virgo indicium, quod rei fidem faceret, pollicita est. Tunc Iohannes Didacus in ipso colle rosas alieno tempore delibatas pallio circumdedit episcopo tradendas. Evoluto pallio coram eo species Mariae mirabiliter confecta est. Miraculo sibi persuasus, episcopus eodem loco, ubi constituerat Virgo, sacellum aedificari iussit. Ita pietas erga Beatissimam Dei Genetricem Mariam propagata est, ut non solum apud aborigines sed etiam per totam Americam Latinam, sub Guadalupi titulo, coleretur.
