Quantum redactiones paginae "Expeditio in Siciliam" differant
Content deleted Content added
No edit summary |
No edit summary |
||
Linea 2:
'''Expeditio in Siciliam''' est magnum inceptum bellicum medio [[Bellum Peloponnesiacum|Peloponnesiaco bello]] initum quam populus Atheniensium [[Alcibiades|Alcibiade]] suadente, [[Nicias|Nicia]] dissuadente anno [[415 a.C.n.]] decrevit. Causa speciosa fuit auxilium a [[Segesta|Segestanis]] petitum quos [[Selinus|Selinuntes]] adiuvantibus [[Syracusae|Syracusanis]] bello opprimebant. Re vera demagogi Atheniensibus spem totius Siciliae subigendae proponebant atque inde etiam Italiam et Carthaginem in animo habebant. Itaque vis huius belli omnis in [[Syracusae|Syracusas]], potentissimam [[Dorica (lingua Graeca)|Doricam]] civitatem Siciliae, incubuit. Clades in Sicilia anno [[413 a.C.n.]] ab Atheniensibus accepta in exitu belli adversus Peloponnesios et dissolutione [[Foedus Delium|Foederis Delii]] magnum momentum habuit. Narratio huius expeditionis a rerum gestarum scriptore [[Thucydides|Thucydide]] hodieque magnam famam habet.
[[Fasciculus:SyrakusBelagerung.png|thumb|Syracusae ab Atheniensibus obsessae.]]
Primi duces expeditionis fuerunt Alcibiades, Nicias, Lamachus. Mox Alcibiades qui maximam operam in expeditione praeparanda navarat parodiae sacrorum [[Mysteria Eleusina|Cereris mysteriorum]] ab inimicis absens insimulatus ab imperio remotus est et Athenas ad iudices convocatus. Ad [[Sparta|Spartanos]] transfugere quam periculum mortis in patria adire maluit. Tum res longe aliter atque Athenienses speraverant vertere coepitː nam dux Lacedaemonius Gylippus cum [[Hoplites|hoplitis]] [[Corinthus|Corinthiis]] subsidio missus eos a circumvallatione Syracusarum prohibuit et bello in Graecia continentali renato rex [[Agis II|Agis]] et Peloponnesii Deceliam in Attica muniverunt unde hostes ab agris colendis arcebant. Quin etiam civitates Graecae Siciliae societatem Atheniensium aspernabantur, eorum [[Imperialismus|imperialismum]] reformidantes, et paulatim praeter [[Acragas|Agrigentinos]] circa Syracusanos coalescebant. Postquam angustias rerum compertas habuerunt Athenienses alterum exercitum ducentibus Demosthene et Eurymedonte subsidio miserunt. Qui exercitus una cum priore periitː nam Athenienses in angusto portu pugnare coacti sollertia navali qua maxime pollebant hostes superare non potuerunt. Haec infausta expeditio finem imperialismo Atheniensi imposuit.
== Fontes ==
* [[Diodorus Siculus]], libro tertio decimo ''[[Bibliotheca historica (Diodorus)|Bibliothecae historicae]]''
| |||