'''Thucydides''' ([[Graece]] Θουκυδίδης) fuit [[rerum scriptor]] ac [[magistratus]] [[Athenae|Atheniensis]] [[saeculum 5 a.C.n.|saeculi quinti a.C.n.]], [[auctor]] ''[[De bello Peloponnesiaco]],'' [[liber|libri]] [[historia|historici]].
== Quae de vita eius acceperimus ==
De eius [[vita]] scimus perpauca, quae ipse in opere suo rettulit: primo enim libro Atheniensem se adfirmat esse, dein [[pestis|peste]] quae Athenienses [[bellum]] gerentes adfligebat laboravisse et creatum esse magistratum militarem ([[Strategus|strategum]]) annis [[424 a.C.n.|424]] et [[423 a.C.n.|423]]. Hominem divitem fuisse constat ut qui metalla aurea in Thracia exerceretexercebat<ref>''[[Historiae (Thucydides)|Historiae]]'' IV.105</ref>. In insula Thaso hieme 424/3 a.C.n. versabatur cum nuntius ab Amphipolitanis promptum succursum petitum missus eum adiitː etenim dux Lacedaemonius Brasidas a proditoribus accersitus flumen Strymonem iam transierat atque sub ipsis moenibus moderatis propositis - ad Graeciam liberandam enim se venisse adfirmare solebat- incolas ad deditionem provocabat. Frustra properavit quantum potuit navibus quas habebat Thucydidesː cum adpulit Amphipolitani oppidum Peloponnesiis iam tradiderant. Ob hanc rem male gestam exsilio multatus est unde otium ei fuit historiae suae praepandae et eventibus spectandis. Obscurus est annus mortis, sed ante quam operam suam perficeret obiisse videtur: nam ea subito interrumpitur post librum octavum, qui non limatus esse videtur, et eventa usque ad annum [[411 a.C.n.|411]] narrat, quamvis bellum anno [[404 a.C.n.|404]] vero confectum sit. Partem ultimam operis Thucydidis adfirmant nonnulli historici confluxisse in scripta [[Xenophon]]tis, qui postea eam emendatam ediderit.
