Anno 508 a.Chr.n.<ref>Sequentia secundum [[Titus Livius|Livium]] [[ab urbe condita]] 2,9f9. Confer [[Polybius|Polybium]] VI.3</ref> [[Porsenna|Porsenna rex]] [[Clusium|Clusinus]] ad regnum [[Tarquinius|Tarquiniorum]] restituendum cum infesto exercitu [[Roma]]m aggressus primo impetu Ianiculum cepit. Nunquam alias ante tantus terror Romanos invaserat: ex agris in urbem demigrant; urbem ipsam saepiunt praesidiis. Cum alia urbis pars muris circumdata esset, alia Tiberi obiecto tuta videbatur. Sed [[Pons sublicius]] iter paene hostibus dedit, nisi unus vir fuisset Horatius Cocles<ref>''Cocles'' sive ''ocles'', ut [[Marcus Terentius Varro|Varro]] in ''de lingua Latina'' 7,71 explicat, idem valet atque ''unoculus''.</ref>. Is pro ponte stetit, et aciem hostium solus sustinuit, donec pons a tergo interrumperetur: ipsa audacia obstupefecit hostes; ponte rescisso, armatus in [[Tiber]]im desiluit et incolumis ad suos transnavit. Grata erga tantam virtutem civitas fuit; Horatio tantum agri datum est, quantum uno die circumarari potuisset. Statua quoque ei in comitio posita est.
