Quantum redactiones paginae "Samaritani" differant

Cum Iudaeis [[Regnum Iudae|Regni Iudae]], qui anno [[586 a.C.n.]] a [[Babylonia|Babyloniis]] in [[Mesopotamia]]m deportati erant, postquam [[Persae]] Babylonios devicerunt, in Iudaeam remigrare licuit, duce [[Zorobabel]], qui domu [[David]] oriundus erat, [[templum Hierosolymitanum]] denuo aedificatum est (circa annum [[520 a.C.n.]]). Samaritani ("populus terrae"), qui auxilium praebuerunt, repudiati sunt.<ref>[[Liber Esdrae|Esdras]] 4,3.</ref> Quod cum aliis quinque populis et dis eorum contagionem contraxerant, non iam Israelitae habiti sunt. Id clare videri potest in [[Esdras|Esdrae]] praecepto, "ut [fideles] proiciant universas uxores [alienigenas] et eos, qui de his nati sunt, iuxta voluntatem Domini ...".<ref>Esdras 10,3. Similiter [[Liber Nehemiae|Neh]] 13,23-27.</ref> Manasseh, filius Sanaballat, ex familia [[Pontifex (Iudaismus)|pontifica]] natus filiam [[satrapes|satrapis]] Samariae in matrimonium duxerat. Idcirco [[Hierosolyma|Hierosolymis]] expulsus cum aliis sacerdotibus eiusdem animi ac voluntatis se Samaritanis adiunxit et novum sanctuarium in monte Garizim instituit.