Quantum redactiones paginae "Sabini" differant

In geographia moderna nomen adhuc in usu est : nam fines in [[Latium|Latio]], [[Umbria]], [[Aprutium|Aprutio]] olim a Sabinis occupati hodieque [[Sabina (terra)|Sabina]] [[Lingua Italiana|Italiane]] et [[Lingua Latina|Latine]] vocantur. Praeterea in [[Regio Italiae|Regione]] moderna [[Latium|Latio]] (''Lazio''), Sabina est constituta subregio, collocata ad septentriones et orientalem a [[Roma]], circum [[Reate]].

== De Sabinis in fabula originum Romanarum ==

Magnas partes Sabinis tribuit traditio historica Romana in fabula Urbis nascentis : nam postquam [[Sabinae raptae|Sabinae virgines]] a comitibus Romuli raptae sunt ut uxores eorum fierent, [[Titus Tatius]] ulciscendi causa magnum exercitum Sabinorum Romam duxit et [[Capitolium|Capitolio]] per proditionem [[Tarpeia]]e [[Vestalis virgo|vestalis]] potitus est. In magnum periculum tum incidit Roma nascens : at mulieres Sabinae patres cum viris reconciliarunt et ambae gentes in unum [[Quirites|Quiritium]] populum coaluerunt, regnantibus aequo iure communiter et concorditer Romulo ac Tito Tatio. Sacra et gentes suas commiscuere : ita [[gens Valeria]], quae plurimos [[Consul|consulatus]] florente [[Respublica Romana|Republica libera]] gessit, una cum Tito Tatio Romam venisse traditur<ref>[[Plutarchus|Plut]]. I,1. [[Dionysius Halicarnassensis|Dion. Hal]]. IV,67,3.</ref>. [[Numa Pompilius|Numa]] rex quoque qui conditor religionis Romanae habetur Curibus e [[Sabina (terra)|Sabina]] arcessitus est. [[Ancus Marcius]] per matrem et ipse Sabinus dici potest.