Quantum redactiones paginae "Crasnodaria" differant

{{L1}}

{{Capsa urbis Vicidata}}

'''Crasnodaria,'''<ref>[[Carolus Egger|Caroli Egger]] ''[[Lexicon Nominum Locorum]], supplementum referens nomina Latina-Vulgaria'', p. 169.</ref> vulgo '''''Krasnodar'''''<ref>[https://books.google.ru/books?hl=ru&id=JGJmAAAAMAAJ&dq=oppidum+Krasnodar&focus=searchwithinvolume&q=Krasnodar Alexandri Gavrilov ''Corpus inscriptionum Regni Bosporani: album imaginum (CIRB-album)'', p. xii et al.]</ref> ([[Russice]] Краснодар), est [[urbs]] in [[Russia]], in meridie [[Planities Europaea Orientalis|planitiei Europaeae Orientalis]] ad ripam dextram [[Hypanis]] fluvii sita, metropolis [[territorium Crasnodarianum|territorii Crasnodariani]], [[Divisio administrativa Russiae#Subiecta Foederationis Russicae|subiecti]] [[Foederatio Russica|Foederationis Russicae]], atque [[Cubania]]e, [[regio]]nis [[historia|historicae]]. Circa 900 milia incolarum secundum aestimationem [[1 Ianuarii]] [[2018]] habens, die [[22 Septembris]] eodem anno urbs cum plus quam decies centena milia incolarum rite declarata est.<ref>[https://iz.ru/792114/2018-09-23/v-rossii-poiavilsia-eshche-odin-gorod-millionnik В России появился еще один город-миллионник]</ref>

 

[[Fasciculus:Памятник_Екатерине_Великой_в_Краснодаре.jpg|thumb|left|175px|Monumentum [[Catharina II (imperatrix Russiae)|Catharinae Magnae]] Crasnodariae in urbe]]

Anno [[1793]] ut castrum condita, anno [[1867]] facta est urbs, ad annum [[1920]] Catharinodaria seu Catharinodorum,<ref name="Scatebranus">{{Scatebranus|497}}</ref> vulgo ''Ekaterinodar'' ([[Russice]] Екатеринодар, i.e. '[[Catharina II (imperatrix Russiae)|Catharinae]] donum'), vocabatur. Annis ab [[1860]] ad [[1918]] erat metropolis [[regio Cubanica|regionis Cubanicae]] Russiae. Cum ferrivia per urbem venit, haec valens sedes mercaturae, industriae et transportationis facta est. Tempore [[Bellum civile Russicum|belli civilis Russici]] Catharinodaria fuit urbs valens in parte meridiana Russiae, a viribus 'Albis' contra 'Rubros' ([[Bolsevici|bolsevicos]]) pugnantibus tenebatur. Anno [[1920]] urbs occupata est a copiis 'Rubrorum' et die [[7 Decembris]] eodem anno nomen suum hodiernum recepit. Anno [[1937]] Crasnodaria sedes administrativa territorii facta est. Tempore [[Bellum Magnum Patrium|Belli Magni Patrii]], die [[9 Augusti]] [[1942]] urbs a copiis [[Germania|Germanicis]] occupata fuit, die [[12 Februarii]] anno [[1943]] ab exercitu [[URSS|Sovietico]] liberata et post bellum restaurata.

== Incolae noti ==

* [[Michael Alekseev]], ductor exercitus (tempore belli civilis Russici Catharinodariae colebat, ibidem mortuus)