[[Fasciculus:Flavius Josephus, Antiquitates Iudaicae, Florence, Plut. 66.5.jpg|thumb|Versio Latina ''Antiquitatum Iudaicarum'' in manuscripto undecimi saeculi [[Florentia|Florentiae]] servato in [[Bibliotheca Medicea Laurentiana]].]]
'''''Antiquitates Iudaicae''''' estsunt opus historicum a [[Iudaei|Iudaeo]] scriptore [[Flavius Iosephus|Flavio Iosepho]] viginti libris digestum et circa [[93]] [[Graece]] confectum in quo res gestas Iudaeorum a mundo creato usque ad [[Primum Bellum Iudaicum|primum bellum Iudaicum]], id est annum [[66]], lectoribus Graecis et Romanis narrabat. Et titulus et numerus librorum ad ''[[Antiquitates Romanae (Dionysius Halicarnassensis)|Antiquitates Romanas]]'' [[Rhetor|rhetoris]] [[Dionysius Halicarnasseus|Dionysii Halicarnassensis]] fortasse alludebant. Decem primis libris narrationem [[Biblia Hebraica|Biblicam]] paucis mutatis satis fideliter sequebatur, sequaentibus vero fontes hodie plerumque deperditos. Itaque ad duo novissima saecula ante Christum natum et ad primam partem primi saeculi p.C. pretiosam ac saepe unicam materiem historicis modernis praebet.
