Quantum redactiones paginae "Perusinum bellum" differant

[[Fasciculus:Lucius Antonius.jpg|thumb|250px|Effigies Lucii Antonii [[consul]]is in [[Denarius|denario]] percusso anno [[41 a.C.n.]] ]]'''Perusinum bellum''' (41-40 a.C.n.) est bellum civile Romanorum in Italia gestum inter [[Lucius Antonius|Lucium Antonium]], fratrem [[Triumviratus|triumviri]] [[Marcus Antonius|Marci Antonii]], tum consulem, adiuvante [[Fulvia (Marci Antonii uxor)|Fulvia]] eiusdem Marci Antonii uxore, et triumvirum [[Octavianus Augustus|Caesarem Octavianum]]. Quo tempore Marcus Antonius ab Italia longe aberat :nam cum [[Cleopatra VII (regina Aegypti)|Cleopatra]] in [[Aegyptus antiqua|Aegypto]] hiemabat. Mox mense Februario anni 40 a.C.n. Lucius [[Perusia|Perusiae]] circumvallatus ad deditionem fame coactus est. Qua de causa tantum bellum moverint incertum est : si Appiano historico credimus, Fulvia zelotypia Cleopatrae agitabatur et Lucius Antonius discussa iniusta triumvirum potentia [[Libera res publica Romana|veterem reipublicae formam]] restituere volebat. Certe Marci Antonii duces et legiones quae tum in Italia versabantur ad sese converterunt, non tamen ita ut vehementer cum Octaviani exercitu confligerent. Nihilominus paulo post ad magnum civile bellum paene ventum est inter triumviros Octavianum et Marcum Antonium.

== Fontes ==

* [[Appianus Alexandrinus|Appianus]], libro quinto ''Bellorum civilium'' 54-208 et 224-230.

* [[Cassius Dio]], ''[[Historia Romana (Dio)|Historia Romana]]'', libro XLVIII, capitibus 5-15.