Quantum redactiones paginae "Agger" differant

'''Agger''' (-is, ''m.'') (a verbo ''aggerere'', i.e. ''ad-gerere'') est constructio plerumque oblonga, quasi [[murus]] aut [[vallum]], e terra aut aliis materiis dissolutis confecta. Aggeres adhibentur aut olim adhibebantur ad urbes aut castra munienda, ad urbes munitas oppugnandas, ad [[Via|vias stratas]] aut [[Ferrivia|ferreas]] substruendas, ad undas arcendas, ad terras flumini aut mari adiacentes [[inundatio]]ne arcendas et ad fluctum fluminis aut freti obstruendum.

 

[[Urbs|Urbes]] et [[castra]] antiquitus saepe aggeribus muniebantur. Saepissime agger cum [[fossa]] praeposita coniuncte ducebatur ita ut terra quae ad fossam faciendam effossa erat in aggeris constructionem adhiberetur. Plerisque urbibus agger postea [[Murus|muro]] instructus est. Sic [[Ardea (urbs)|Ardeae]] agger septimi saeculi, muro quarti saeculi a.C.n. auctus, usque adhuc conservatus est. [[Roma]]e quoque pars [[Murus Servii Tullii|Muri Serviani]] aetate etiam classica ''Agger'' vocabatur. Qui muro magno instructus cum fossa praeposita muniebat partem urbis humiliorem inter montes [[Quirinalis|Quirinalem]] et [[Esquilinus|Esquilinum]] sitam. Castra Romana quoque aggere fossaque praeposita cingebantur. Summo aggere valli (i.e. pali acuti) imponi solebantur. Agger vallis ita instructus [[vallum]] dicebatur.

 

In oppugnatione quoque urbium castrorumque aggeres saepe adhibebantur. Iuxta [[Munimentum|munimenta]] iaciebantur ita ut oppugnatores facile ea conscenderent aut eorum defensores telis infestarent. Nonnumquam tota urbs aut castra aggeribus ita cingebantur ne quisquam exiret neu subsidia arma alimentave inferrentur.

 

{{NexInt}}

 

 

{{stipula}}