[[File:Logo Universität Erfurt.png|thumb|Universitatis studiorum insigne]] '''Universitas Hierana''' sive '''Erfordensis''' (Theodisce: ''Universität Erfurt'') [[Erfordia]]e anno 1379 condita inter hodiernae [[Germania]]e universitates antiquissima quidem est. In terris linguae Theodiscae [[Praga]]e (1348) atque [[Vindobona]]e (1365) iam antea instituta talia fundata erant.
== Historia ==
Cives Erfordiae[[Erfordia]]e privilegium de universitate instituenda tempore schismatis magni (1378-1417) ab antipapa [[Clemens VII (antipapa)|Clemente VII]] [[Avennio]]ne acceperant non a papa [[Urbanus VI|Urbano VI]] [[Roma]]e. Sed iste omnia decem annos post confirmavit. Interim alia athenaea populo dabantur, [[Heidelberga]]e (1386) [[Colonia Agrippina|Colonia]]eque (1388); saeculo XV sequebantur instituta in urbibus [[Herbipolis]] (1402), [[Lipsia]]e (1409), [[Rostochium|Rostochii]] (1419), [[Gryphiswaldia]]e (1456), [[Friburgum Brisgoiae|Friburgi]] (1457), [[Basilea]]e (1460), [[Ingolstadium|Ingolstadii]] (1472), [[Augusta Treverorum|Augustae Treverum]] (1473), [[Tubinga]]e et [[Mogontiacum|Mogontiaci]] (1477), saeculo autem XVI [[Wittenberga]]e (1502) et [[Regiomontium|Regiomontii]] (1544).
Praelectionum exordium habebant Erfordiae anno 1392, unde universitas maior Germanica facta est. Cuius inter studiosos fuit etiam [[Martinus Lutherus]], studens factus ibidem anno 1501, baccalaureatus artium factus anno 1502 et magister anno 1505. Anno 1509 Martinus denique doctor creatus est. Iste reformator confessus est postea: "Fateor et agnosco: Mater mea Erfordiensis Universitas, cui non contentionem, sed honorem debeo." (e litteris datis die 21.12.1514; WA Briefwechsel I p. 30). Erfordiam totam Lutherum movisse constat.
