Quantum redactiones paginae "Saturnus (deus)" differant

Content deleted Content added
Linea 37:
==De cultu Romano==
Anno [[497 a.C.n.]] templum Saturno a viro consulari [[Postumus Cominius Auruncus|Postumo Cominio]] in clivo a [[Forum Romanum|Foro]] ad [[Capitolium]] ducente dedicatum esse traditur, in quo loco iam antea ara illi deo sacrata fuerat, non longe ab oppido ubi regnasse narrabatur. In quo templo statua dei pedibus alligatis posita erat, ut videtur, ne abiret nec templum relinqueret. Postea mythographi e contrario interpretati sunt, tamquam Saturnus iussu Iovis catenatus esset ne regnum filii perturbaret<ref>[[Arnobius Maior|Arnobius]], ''Adversus Nationes'' V,24. [[Macrobius]], ''[[Saturnalia (Macrobius)|Saturnalia]]'' I,8. [[Minucius Felix]], ''Octavius'' XXIII,5</ref>. Illo anno feriae quoque [[Saturnalia]] dicta et sacrificia annua simul instituta sunt<ref>[[Titus Livius]] II,21. [[Dionysius Halicarnassensis|Dion. Hal.]] ''Ant. Rom.'' VI,2.</ref>. Etiamtunc Etrusci Romae praesentes fuisse a plerisque hodie creduntur, quamquam primi anni [[Romana Republica|reipublicae liberae]] in [[Annales|annalibus]] ab anno 509 a.C.n. incipiunt. Quin etiam pars historicorum antiquorum fundamenta templi Saturni ultimo regi [[Tarquinius Superbus|Tarquinio Superbo]] tribuebat.
 
[[Secundum bellum Punicum|Secundo bello Punico]] ineunte, tum cum in angustiis rerum Romani nova auxilia divina sibi quaerebant, Saturnalia renovata sunt : ferias Graecas "[[Cronus|Cronia]]" dictas—quarum ritus fortasse anno [[218 a.C.n.]] prodigiorum maximorum procurandorum causa Romam introducti sunt<ref>Titus Livius XXII,1.</ref>—sibi partim adsumpserunt. E quo tempore feriae maxime omnium populares Romae remanserunt, quamdiu Imperium Romanum superfuit.
 
== De Saturno et re nummaria ==