[[File:Text from the Chronicle of Morea.png|thumb|Fragmentum textús Graeci ''Chronici Moreae'']]
'''''Chronicon Moreae''''' ([[Graece]] {{Polytonic|Χρονικὸν τοῦ Μορέως}}) est narratio epica sive potius historica, saeculo XIV ineunte composita, recensionibus variis in quattuor linguis servata. Reperiuntur enim in libris manuscriptis recensiones [[Lingua Graeca|Graeca]], [[Lingua Francogallica|Francogallica]], [[Lingua Italiana|Italiana]] et [[Lingua Aragonensis|Aragonensis]]. Antiquior (sed haud prototypus) est Graeca, [[versus politicus|versibus politicis]] quindecim syllaborum expressa. Aliae oratione soluta scriptae sunt. Origo omnium Graece compositum anno circiter 1325 satis constat.<ref>"The common ancestor" in [[#Shawcross|Shawcross (2009)]] pp. 42-52</ref> Narratio praebetur rerum ab illis [[Imperium Latinum|Latinis]] [[Quarta expeditio sacra|quartae expeditionis sacrae]] gestarum qui, [[Constantinopolis|Constantinopoli]] nuper anno [[1204]] capta, [[Peloponnesus|Peloponnesum]] obsederunt et a ducibus [[Graecia|Graecis]] arripuerunt. Historia [[Principatus Achaeae]] aliarumque dominiorum usque ad annum [[1292]] evolvitur, et in aliquibus recensionibus etiam tardius.
