Quantum redactiones paginae "Concilium Parisiense (1210)" differant

'''Concilium Parisiense''' anno [[1210]] constitutum est, praeside [[Petrus de Corbolio|Petro de Corbolio]] magistro et archiepiscopo [[Senones|Senonensi]], assistente [[Petrus de Nemosio|Petro de Nemosio]] episcopo [[Lutetia|Parisiensi]], ad haereses praevalentes (praecipue in [[Universitas Parisiensis|Universitate Parisiensi]]) corrigendas. E laboribus huius concilii servantur documenta duo, scilicet "Decreta magistri Petri de Corbolio" et enumeratio errorum quae incipit "Hae sunt haereses". Per illa decreta homines decem ad manum saecularem (i.e. ad comburendum) relinquuntur, quattuor ad carcerem perpetualem; cadaver [[Amalricus Carnotensis|Amalrici Carnotensis]] e sepulchro "in terram non benedictam" proici mandatur; ''[[Quaternuli]]'' [[David de Dinant|Davidi de Dinant]] comburendi denuntiantur; "nec libri [[Aristoteles|Aristotelis]] de naturali philosophia nec commenta legantur Parisius publice vel secreto, et hoc sub poena excommunicationis inhibemus." Eodem tempore "de libris theologicis scriptis in Romano", [[scil.]] Francogallice, episcopis dioecesanis tradi praecipiuntur, "et ''[[Credo in Deum]]'', et ''[[Pater noster]]'' in Romano, praeter vitas sanctorum." Is qui libros vel philosophicos vel vernaculares retinetur "pro haeretico habebitur".