'''Pyramis'''<ref>Ebbe Vilborg, ''Norstedts svensk-latinska ordbok'', editio secunda, 2009.</ref> ('-idis/, '-idos, ''f.'') ([[API]]: ['pyramis], [py'ramidis], [py'ramidos]) est [[aedificium]] cuius latera triangula in [[apex|apicem]] convergunt. [[Basis]] eius plerumque quadrata, aliquando triangula aut polygonia est. Pyramidis forma, ubi pondus superpositum cuiusque partis minuitur pro altitudine, effecit ut gentes etiam antiquiores monumenta stabilia erigere possent. Itaque per milia multa annorum aedificia maxima fuerunt pyramides: antiquissima [[Pyramis Rubra]] in [[Necropolis Dashur|Necropoli Dashur]], deinde illae tres in [[Necropolis Gizensis|Necropoli Gizensi]] sitae quae solae e [[Septem miracula mundi|Septem miraculis mundi]] usque adhuc supersunt. Maxima [[Capacitas|capacitate]] pyramis umquam erecta est [[Magna Pyramis Cholulae]] in civitate Mexicana [[Puebla]], quae adhuc effoditur.
