Quantum redactiones paginae "Uncia (pondus et nummus)" differant

In magno discrimine secundi belli Punici paucis annis assis pondus sexiens imminutum est ita ut as sextantarius dictus sit et circiter 54gr. pependerit. Circa 200 a.C.n. etiam unciarius factus est. A quo tempore uncia, qui minimus et vilissimus nummus factus erat (paulo plus quam 2 gr. pendere debebat), raro percussus est.
 
Post annos circiter 230/225 a.C.n. notae unciae fuerunt caput galeatum deae Romae ex una parte, ex altera parte prora navis : quae uncia [[As|assi]] gemino capite dei [[Ianus|Iani]] signato respondebat. Antea aliae notae fuerunt : granum [[Hordeum|hordei]], articulus digiti...
==Temporibus modernis==
Medio aevo non iam duodecimam sed plerumque sedecimam partem librae uncia valebat ; at alibi aliud pondus librae et unciae fuit : itaque cognomine geographico definiebatur : exempli gratia libra [[Parisius|Parisiensis]]. Hodieque uncia 28gr.349 valens apud nationes [[Anglice|anglice]] loquentes, quae fuerunt partes [[Imperium Britannicum|imperii Britannici]], in usu cotidiano usurpatur, quamquam ubique decimalis ratio [[Gramma|grammaque]] in publicis rebus magis in dies dominantur.
 
[[Categoria:Mensurae Romanae]]