Quantum redactiones paginae "Lesbos" differant

'''Lesbos''' ([[Graece]] ''Λέσβος'', [[Turcice]] ''Midilli Adası'') est insula [[Graecia|Graeca]] in [[Aegaeum mare|mari Aegaeo]] septentrionali sita. Area 1635.998 km² insula magnitudine tertia est Graeciae, octava [[Mare Mediterraneum|Mediterranei maris]].<ref>Charles Arnold (Ed.): Die Inseln des Mittelmeers. Ein einzigartiger und vollständiger Überblick. 2. ed. marebuchverlag, Hamburgi 2008, ISBN 3866480962.</ref> Nomen dedit pristino nomo vel praefecturae [[Lesbos (nomus Graeciae)|Lesbo]], ab administratione reformata anni [[2010]] (vide [[Libellus Callicratis]]) est [[Unitas regionalis (Graecia)|regionalis unitas]] (Περιφερειακή Ενότητα Λέσβου) regionis [[Aegaeum Boreale (regio Graeciae)| Aegaei Borealis]] et [[demus]] [[Graecia]]e (Δήμος Λέσβου). Secundum censum anni 2001 insulae fuerunt 90 643 incolae, urbi principali nomine [[Mytilenae]] 36 196.<ref>Numerus incolarum, ut a [http://www.statistics.gr/portal/page/portal/ESYE/BUCKET/A1604/Other/A1604_SAP01_TB_DC_00_2001_01_F_GR.pdf Magistratu statistico Graeco(ΕΣΥΕ)] profertur (PDF), census anni 2001</ref>

Lesbos in [[Aegaeum mare|Aegaeo mari]] boreo-orientali sita a litore [[Asia Minor|Asiae minoris]] sive [[Turcia]]e civitatis non multum distat. A septentrionibus insula sinu [[Adramytteum|Adramytteno]] (''Edremit Körfezi'') distantia novem chiliometrorum, ubi est minima, ab Asia minore separatur, ab oriente [[fretum|freto]] [[Mytilenae|Mytilenaeo]]o (''Στενό Μυτιλήνης''), quod per quindecim chiliometra patet. Insulae proximae sunt [[Chios]] (48 km a meridie), [[Psara]] (65 km ab austro-occidente), [[Sanctus Eustratius]] (76 km ab occidente) et [[Lemnos]] (74 km a boreo-occidente).

Lesbos origine [[mons ignifer|vulcanica]] orta pluribus locis paene usque ad mille metra super [[maris aequor]] surgit. Insula montuosa et partim silvis tecta fere 1600 km² patet. Duobus sinibus, qui a meridie late in insulam prominunt, dividitur.

Lapides arte politi, qui in ''Rodaphnidia'' (Ροδαφνίδια) prope ''Lisborium'' reperti sunt, in [[Palaeolithicum]] medium [[datatio|dantantur]].<ref>Χ.Β. Χαρίσης, P. Durand, Μ. Αξιώτης, Τ.Β. Χαρίσης (2000): Ίχνη παλαιολιθικής εγκατάστασης στη Λέσβο, in: Αρχαιολογία και Τέχνες 76, mense Septembri, p. 83–87; in interrete [httphttps://web.archive.org/web/20120106051920/http://www.arxaiologia.gr/assets/media/PDF/migrated/76_83-87.pdf PDF interretiale]</ref> Paene 40 loci insulam a [[Aetas Aenea|Aetate Aenea]] antiqua sine intermissione inhabitatam esse demonstrant. Hi loci imprimis in litoribus insulae orientalis ac austro-orientalis siti sunt. Insula occidentalis non ante Aetatem Aeneam mediam habitata est.

Aetate Aenea tarda Lesbos ad [[Šeḫa]], civitatem [[lingua Hetthaea|Hetthaeam]], pertinuit.<ref> Klaus Tausend, Sabine Tausend, Robert Rollinger, Brigitte Truschnegg (edd.): Lesbos – Zwischen Griechenland und Kleinasien. Altertum und Mittelmeerraum: die antike Welt diesseits und jenseits der Levante : Festschrift für Peter W. Haider zum 60. Geburtstag. Franz Steiner, 2006, ISBN 978-3-515-08738-4, p. 95 s.</ref>

Temporibus antiquis [[Mytilenae]] medius insulae locus erat. Inter alias urbes antiquas enumerare oportet [[Methymna]]m, [[Antissa]]m, [[Eresus|Eresum]], [[Pyrrha]]m. Post [[Bella Graeco-Persica|bella Medica]] Lesbii [[Foedus Delium]] et Atheniensium societatem circa [[478 a.C.n.]] inierunt<ref>[[Thucydides]] III.10.2</ref>. Cum autem anno [[428 a.C.n.]], dominos superbos fugientes, Lesbii exceptis [[Methymna|Methymniis]] medio [[Bellum Peloponnesiacum|bello Peloponnesiaco]] ad Lacedaemoniorum societatem transfugere voluerunt Mytilenenses terra marique ab Atheniensibus obsessi sunt<ref>[[Thucydides]] III.2-18.</ref> atque mox sese dedere coguntur<ref>[[Thucydides]] III.25-51</ref>. [[412 a.C.n.]] iterum cum [[Chios|Chiis]] defecerunt<ref>Thucydides VIII.5 et 8</ref> et iterum ab Atheniensibus victi sunt<ref>[[Thucydides]] VIII.22-23</ref>. Memoria digna est conclusio MytilinarumMytilenarum anno [[406 a.C.n.]] a classe [[Sparta|Lacedaemonica]] [[Callicratidas|Callicratida]] duce facta, qua [[Conon Atheniensis|Conon]] Atheniensis una cum maxima [[Athenae|Atheniensium]] classe in portu inclusus est. Athenae, postquam aliam classem adiuvamento miserunt, inclusos [[pugna apud Arginusas commissa]] liberaverunt.

[[Medium Aevum|Medio Aevo]] insula anno [[1355]] a [[Ioannes V Palaeologus|Ioanne V Palaeologo]] [[imperator]]e [[Imperium Romanum Orientale|Romano]] [[Patricii (ordo)|patricio]] [[Franciscus I Gateluzus|Francisco I Gateluzo]] [[Respublica Genuensis|Genuensi]] dominium hereditarium datum est, qui ei gratiam referret pro adiuvamine contra usurpatorem [[Ioannes VI Cantacuzenus|Ioannem VI Cantacuzenum]] praebito. Dominium familiae nobilis [[Gateluzi|Gateluzorum]] anno [[1462]] finitum est, cum [[Imperium Ottomanicum|Ottomani]] insulam [[Mahometus II (sultanus Ottomanicus)|Mahometo II]] duce occupaverunt.

* Inter vicos [[Antissa]]m (hodiernam) et ''Sigri'' (Σίγρι) est silva in lapidem versa, quae a 23 decies centena milibus annorum repetit.

* In Lesbo occidentali plus quam 30 olim [[Tholus vulcanicus|tholi vulcanici]] inveniuntur nec non plures [[Caldera (crater)|calderae]] sive [[crater vulcanicus|crateres vulcanici]]. Licet haec insulae pars deserta esse videatur, tamen inter regiones Aegaei maris notabilissimas numeratur.

* Ad urbes visu dignas pertinent [[Mytilenae]], insulae caput, [[Methymna]] cum [[castrum|castro]], [[Petra (Lesbos)|Petra]], super quam ecclesia "Panagia" ("Sanctissima") in rupe collocata est, et ''Agiassos'' ecclesia sua et Olympo monte nota.

* Insula orientalis silvis tecta est. Tantum prope ''Polichnitum'', ubi sunt fontes Graeciae calidissimi (70-85° C), [[vulcanismus]] animadvertitur.

* [[Pittacus Mytilenaeus]] (~651/650 - ~570 a.C.n.), unus e [[Septem sapientes|septem sapientibus]]

* [[Alcaeus]] (~630 – ~580 a.C.n.), poeta

* [[Iulia Livilla]], imperatoris [[Caligula|Gaii]] soror, hic anno [[18]] nata est

* [[Theophanes Mytilenaeus]] (saeculo 1 a.C.n.), rerum politicarum peritus ac scriptor rerum gestarum

* [[Ariadenus Barbarussa]] (~1466–1546), pirata, dominus [[Algeria]]e et "Kaptan-ı Derya" (maximus classi praefectus) [[Imperium Ottomanicum|Imperii Ottomanici]].

* [[Hüseyin Hilmi Pascha]] (1855–1922), rerum politicarum peritus et [[Vezirus|Supremus Vezirus]] Imperii Ottomanici

* [[Cemal Pascha]] (1872–1922), rerum politicarum peritus [[nationalismus|nationalisticus]] factionis [[Neoturcae|Neoturcarum]] et dux exercitus Imperii Ottomanici

* [[Constantinus Centeres]] (natus anno 1973), athleta Graecus

* [[Anestes Agrites]] (natus anno 1981), [[pediludium|pediludii]] lusor Graecus

* [[Theophrastus]] (~371-287 a.C.n.), philosophus Peripateticus

* {{Strabo}} XIII.2.

* G. Georgeakis, L. Pineau, ''Le folk-lore de Lesbos''. Lutetiae: J. Maisonneuve, 1894 [http://www.archive.org/details/lefolkloredeles00pinegoog Textus apud archive.org]

* Robert Koldewey, Heinrich Kiepert, ''Itinerare auf der Insel Lesbos''. Berolini: Reimer, 1890 [http://www.archive.org/details/itinerareaufderi00kold Textus apud archive.org]

<div class="references-small"><references /></div>

* [http://www.lesvosmuseum.gr Museum Lesbo situm et scitu digna de silva in lapidem versa]

* [http://makebelieve.gr/mb/www/en/portfolio/museums-culture/55-meel.html Museum de olei confectione in Lesbo insula]{{Nexus deficit|date=August 2024 |bot=InternetArchiveBot |fix-attempted=yes }}

* [http://www.hotsprings.gr Fontes calidi apud Polichnitum siti]

[[Categoria:Lesbos|! ]]