Sachs-Hunger 330

Sachs-Hunger 330 sive AD330 est diarium astronomicum Accadice inscriptum et in tabulis fictilibus BM 36761 et BM 36390 apud Museum Britannicum repertum, quae eventa astronomica a Chaldaeis observata una cum rebus terrestribus anno 331 a.C.n. breviter refert, quo anno proelium ad Gaugamelam commissum est.

Ex hoc diario satis constat proelium die 24 Ululu calendarii Babylonici, 24 Hyperberetaei Macedonici seu 1 Octobris 331 a.C.n. fuisse. Diarium eclipsin lunarem notat die 13 mensis Ululu vel Hyperberetaei visam quam astronomi hodierni die 20 Septembris 331 a.C.n. attribuunt. Etiam notat eclipsin solarem nocte 29 Ululu vel Hyperberetaei exspectatam sed minime observatam, recte; astronomi enim cum eclipsi nocte 5 Octobris 331 a.C.n. agnoscunt, in Groenlandia tantum et America Septentrionali visibilem.

Nexus externi

• De diariis astronomicis apud livius.org
  • Versio diarii 331 a.C.n. (Anglice)
  • Textus et versio (Accadice, Anglice)

Bibliographia

• Paul Bernard, "Nouvelle contribution de l'épigraphie cunéiforme à l'histoire hellénistique" in Bulletin de correspondance hellénique vol. 114 (1990) pp. 513-541
• Jona Lendering, Alexander de Grote: de ondergang van het Perzische rijk. Amstelodami: Athenaeum-Polak & Van Gennep, 2004. ISBN 90-253-3144-0
• A. Sachs, H. Hunger, Astronomical Diaries and Related Texts from Babylon. I: Diaries from 625 BC to 262 BC. Vindobonae, 1988. ISBN 3-7001-1227-0
• Bert van der Spek "Darius III, Alexander the Great and Babylonian scholarship" in Achaemenid History vol. 13 (2003) pp. 289-346
• D. J. Wiseman, Nebuchadrezzar and Babylon (1985) pp. 116-121

De hac re nexus intervici usque adhuc absunt. Adde, si reppereris.