Saša Sokolov

Alexander Vsevolodi filius Sokolov^[1], ut Saša Sokolov^[2] notus, die 6 Novembris anno 1943 Ottaviae natus, est scriptor Russicus.

Vita

In legatione Sovietica Canadae natus, ab anno 1946 Moscuae habitabat; postea Turcomanniae et in regione Calininensi et in territorio Stauropolitano laborabat; ab anno 1975 in Austria, ab anno 1976 in Civitatibus Foederatis, ab anno 1977 civis Canadensis.

Opera

Aliquot narrationes breves annis 1967-1968 edidit. Prima mythistoria (vel, ut ipse dicit, poema oratione soluta scriptum) Школа для дураков (Ludus litterarum fatuis educandis) anno 1973 confecta est, anno 1976 Sicagi edita; secunda, Между собакой и волком (Inter canem et lupum), anno 1980; tertia, Палисандрия (Palisandria), anno 1985. Anno 2011 etiam tria poemata in libro Triptycho nominato edidit.

Notae

↑ Russice Александр Всеволодович Соколов.
↑ Saša, Саша est nominis Alexandri forma Russica diminutiva, qua omnia eius opera inscripta sunt.

Nexus externi

Lexica biographica: • Den store danske • Deutsche Biographie • Store norske leksikon • Большая российская энциклопедия •

[1] Russice Александр Всеволодович Соколов.

[2] Saša, Саша est nominis Alexandri forma Russica diminutiva, qua omnia eius opera inscripta sunt.

[1]

[2]