Robertus Hartmann
Robertus Hartmann (natus die 8 Octobris 1832 Blankenburg in Saxonia et Anhaltio, mortuus die 20 Aprilis 1893 Potestampii) medicus Germanicus fuit.
Vita
recensereStudiis in medicina et naturae scientia perfectis annis inter 1859 et 1860 comitem Adalbertum de Barnim in Africam aquilonarem comitatus est. Anno 1886 magister creatus est de zoologia et physiologia comparativa in Academia agriculturali Prószków in Silesia Superiore et anno 1867 professor anatomiae in Alma Matre Berolinensi. Annis inter 1871 et 1879 Berolini Societati Geologicae praefuit et postea munere secretarii generalis Societatis Anthropologicae functus est.
Indagabat de anatomia beluarum marinarum in Italiae et Sueciae oris. Quid novi itinera Africana in geographicis et ethnographicis et zoologicis apportavissent, in opere »Reise des Freiherrn A. v. Barnim durch Nordostafrika« (Berolini 1863) diligenter descripsit.
Opera alia
recensereInsuper pepigit haec opera:
- »Naturgeschichtlich-medizinische Skizze der Nilländer« (Berolini 1865–66)
- »Die Nigritier« (Berolini 1876, tomus primus)
- »Die Völker Afrikas« (Lipsiae 1880)
- »Handbuch der Anatomie des Menschen« (Argentorati 1881)
- »Der Gorilla« (Lipsiae 1881)
- »Die menschenähnlichen Affen« (Lipsiae 1883)
- »Abessinien und die Nilländer« (Lipsiae 1883)
- »Madagaskar« (Lipsiae 1886)
Partem anthropologicam in opusculo quodam de gazella dorcade exaravit. Una cum Adolpho Bastian anno 1869 periodicum »Zeitschrift für Ethnologie« fundavit.