Quintus Pompeius Vopiscus Gaius Arruntius Catellius Celer

Quintus Pompeius Vopiscus Gaius Arruntius Catellius Celer (nescimus, quando natus mortuusve sit) senator Romanus primo saeculo post Christum natum fuit. A Lucio Pompeio Vopisco, consule suffecto anni 69, adoptatus est. Fuit legatus Augusti pro praetore Lusitaniae anno 77/78 et eodem tempore (Octobri 77) consul suffectus in absentia. Praeterea fuit curator viarum et curator aedium sacrarum locorumque publicorum anno 82/83. Eum legatum procinciae Hispaniae Citerioris annis 85/89 fuisse verisimile est. Praeterea frater Arvalis annis 77 ad usque 92 aut diutius fuit. Filius eius Quintus Pompeius Vopiscus Gaius Arruntius Catellius Celer Allius Sabinus consul suffectus Hadriano et Antonino Pio imperatoribus fuit.

Titulus CIL II 5264 (Emerita Augusta, Badajoz España): Sub Tito imperatore Gaius Arruntius Catellius Celer Legatus Augusti provinciae Lusitaniae est.

Vide etiam paginam discretivam: Pompeius (nomen)