Philippus Dowson

Philippus Dowson, vulgo denuo Sir Philip Henry Manning Dowson (natus die 16 Augusti 1924; mortuus 22 Augusti 2014) fuit architectus Britannus.

Philippus Dowson

Res apud Vicidata repertae:

Nativitas: 16 Augusti 1924; Ioannesburgum
Obitus: 22 Augusti 2014;
Patria: Britanniarum Regnum

Familia

Genitores: Robert Manning Dowson; Ina Muriel Cowen
Coniunx: Sarah Crewdson
Proles: Aurea Dowson, Charles Dowson, Anna Dowson

Philippus Dowson, Iohannesburgi natus, patre et matre Britannis, in comitatu Norfolcia educatus est. Alumnus fuit scholae Ioannis Gresham eiusdem comitatús et, militia absoluta, Collegii Clarae apud Cantabrigienses, sed mox scholae Associationis Architecturalis. Cum Ove Arup ab anno 1953 collaboravit in societate Arup and Partners, deinde Arup Associates, cui societati aliquos annos praefuit (successore Derek Sugden). Praeses meruit Regiae Academiae annis 1993-1999.

Opera potiora cum aliis sub aegide Arup Associates confecta

• Aula musica Snape Maltings iuxta Aldeburgum
• Insula urbana Lion Yard Cantabrigiae
• Aedificium Arup, Museum Zoologicum comprehendens, universitatis Cantabrigiensis
• Aedificia nova collegii de Somerville apud Oxonienses
• Domus Leckhampton collegii Corporis Christi apud Cantabrigienses
• Aedificium Wychfield aulae Trinitatis Cantabrigiensis
• Aedificium Thomas White collegii S. Ioannis Oxoniensis
• Domus "Long Wall" in oppido Melfordia

Bibliographia

• Philip Booth, Nicholas Taylor, Cambridge New Architecture (Londinii: Leonard Hill. 1970) pp. 50-54, 146-148, 172
• Chris Elliott, "Architect of Cambridge’s Lion Yard, Sir Philip Dowson, dies aged 90" in Cambridge News (29 Augusti 2014)
• Jonathan Glancey, "Sir Philip Dowson obituary" in The Guardian (5 Septembris 2014)
• Peter Jones, Ove Arup: masterbuilder of the twentieth century (Novo Portu Connectitcutae: Yale University Press, 2006) pp. 186, 251, 253, 270, 279, 283, 300 (Paginae selectae apud Google Books)

Nexus externi

• Vita apud Regiam Academiam Artium
• Incepta societatis Arup Associates