Pharmacopolium senatorium (Ysenacum)

Pharmacopolium senatorium (Theodisce: Ratsapotheke) historicum aedificium Ysenaci est in regione peditum ad angulum inter Viam Caroli et Plateam Caroli situm.

Historia

Aedes haec anno 1766 primam mentionem habuit, cum esset caupona titulata Ad lunam dimidiatam. Anno 1800 Gulielmus Dammann ex oppido Buttelstedt (Circulus Weimarer Land) veniens privilegium a duce Carolo Augusto adeptus est, ut pharmacopolium teneret. Agebatur de pharmacotheca secunda in urbe Ysenaci et nuncupabatur Taberna medicamentaria urbana aulicaque.

Pluries aedificii structura mutata est; anno 1992 pharmacopolium perfecte refectum est. Serviebat locus hic etiam seriei televisificae, quae vocatur "Familie Dr. Kleist".

Bibliographia

W. Stelljes: 1585–1935. 350 Jahre Hofapotheke am Markt. Zur Geschichte der Rats- und Hofapotheke zu Eisenach. Bildschmuck von Felix Schuchard, Gesellschaft für Geschichte der Pharmazie Berlin. Philipp Kühner, Eisenach 1935

Nexus externi

Vicimedia Communia plura habent quae ad Tabernam medicamentariam aulicam spectant (Ratsapotheke Eisenach, Stadtapotheke (Eisenach)).

Tractatio in actis diurnis, quando pharmacopolium anniversarium CDXXV habuit