Petrus Eburensis
poeta et rerum gestarum scriptor Latinus Italicae originis
Petrus Eburensis seu de Ebulo, ita propter originem aut habitationem fortasse appellatus, fuit poeta Italus saeculi 12 exeuntis, lingua Latina scribens. Carmina sua ipse sic enumerat:
- Suscipe, sol mundi, tibi quem praesento libellum:
- de tribus ad dominum tertius iste venit.
- Primus habet patrios civili marte triumphos;
- mira Federici gesta secundus habet;
- tam loca quam vires quam nomina pene sepulta
- tertius Euboycis iste reformat aquis.
- Petrus de Ebulo, De balneis Puteolanis.
Quorum poëmatum Liber ad honorem Augusti sive de rebus Siculis res gestas imperatoris Henrici VI laudat; Federici gesta (carmen nobis deperditum) historiam antecessoris Friderici Barbarossae enarravit; epigrammata De balneis Puteolanis, de aquis videlicet iuxta Puteolos Campaniae visitandis, eodem Henrico VI dicata sunt.
Bibliographia
recensere- Edoardo D'Angelo, "Poesia latina" in Federiciana (Romae:Treccani, 2005)
- Fulvio Delle Donne, "Pietro da Eboli" in Federiciana (Romae:Treccani, 2005)
- Theo Kölzer, Marlis Stähli, Petrus de Ebulo: Liber ad honorem Augusti sive de rebus Siculis, Jan Thorbecke Verlag, 1994 ISBN 3-7995-4245-0
Nexus externi
recensere
|
Vicimedia Communia plura habent quae ad Petrum de Ebulo spectant. |