Paulus LePage
Paulus LePage, praenominibus vulgaribus Paul Richard (Lewistoniae natus die 9 Octobris 1948) est politicus Cenomannicae.
Paulus LePage
Patria: Civitates Foederatae Americae
Nomen nativum: Paul Richard LePage
Familia
Genitoribus Canadensibus Catholicis pauperibus, Paulus LePage Lewistoniae in vico Little Canada inter Francophonos educatus est. A patre fere semper ebrio annum aetatis duodecimum agens refugus in stabulario, in lupanare, denuo apud familias contubernalium dormiebat dum lixa apud tabernas victum quaerebat. Schola nihilominus absoluta, linguam Anglicam male loquens, a Collegio Husson aegre acceptus est. Rebus commercialibus ibi et apud universitatem Mainensem studuit. Lignarius in Novo Brunsvico et in civitate nativa operam dedit. Factionis republicanae sodalis, praefectus urbi Waterville ab anno 2003, deinde gubernator Cenomannicae ab urbe 2011 meruit.
Bibliographia recensere
- Steven Bertoni, "Ready For Business" in Forbes (30 Decembris 2010)
- Matt Byrne, "The early years: Paul LePage" in Portland Press Herald (20 Iulii 2014)
- Virginia M. Wright, Kathleen Fleury, "Governor Paul LePage talks about being a homeless teen, the importance of mentors, and the value of work" in Down East (Decembri 2013)
Nexus externi recensere
- Vita apud gubernium civile
