Nummi Ptolemaei II familiae Ptolemaeorum commemorativi
Nummi familiae Ptolemaeorum commemorativi iussu Ptolemaei II incusi sunt, sorore et uxore altera Arsinoa II nuper mortua, id est anno fere 270 a.C.n. Nummo obverso protomis iugatis commemorantur Ptolemaeus ipse et Arsinoë, verbo ΑΔΕΛΦΩΝ "fratrum" superposito. Nummo reverso videntur pater et mater, scilicet Ptolemaeus I Soter et Berenice I, verbo ΘΕΩΝ "deorum" superposito; iam enim titulo "deorum salvatorum" adorabantur.
Octadrachmon aureum e serie commemorativa:
obverso Ptolemaeus II et Arsinoe II Philadelphi: ΑΔΕΛΦΩΝ "fratrum"
reverso Ptolemaeus I Soter et Berenice I: ΘΕΩΝ "deorum"
obverso Ptolemaeus II et Arsinoe II Philadelphi: ΑΔΕΛΦΩΝ "fratrum"
reverso Ptolemaeus I Soter et Berenice I: ΘΕΩΝ "deorum"
Series nummorum commemorativorum comprehendit:
- Octadrachmon aureum (etiam nota Α repertum; etiam rege Ptolemaeo III retractum): Sv. 603, 613, 934
- Tetradrachmon aureum (etiam notis Α, Κ, Π repertum): Sv. 604, 614, 618, 621
- Didrachmon aureum: Sv. 605
- Drachma aurea: Sv. 606
- Tetradrachmon argenteum: Sv. 607
- Didrachmon argenteum: Sv. 608
- Triobolon argenteum: Sv. 609
Bibliographia
recensere- I. N. Sboronus, Τα νομίσματα του κράτους των Πτολεμαίων. Athenis: Sacellarius, 1904-1908 Versio Anglica interretialis (vide tabulas 14b, 28a)
De hac re nexus intervici usque adhuc absunt. Adde, si reppereris.