Nicolaus famulus Christi transfretabit
"Nicolaus famulus Christi transfretabit" est versus primus carminis quod pueri peregrinatores Germani, qui anno 1212 ab urbe Colonia ad Terram Sanctam properabant, in itinere cantitabant (si auctori anonymo Chronici rhythmici Austriaci fidem reponenda sit). Nicolaus is iuvenis fuit qui peregrinationem suaserat et ducebat. Textus sic sonat:
- Nycolaus famulus Christi transfretabit,
- Et cum innocentibus Ierusalem intrabit.
- Mare siccis pedibus securus calcabit,
- Iuvenes et virgines caste copulabit:
- Ad honorem Domini tanta perpetrabit,
- Quod pax, iubilacio, Deo laus sonabit.
- Paganos et perfidos omnes baptizabit,
- Omnis in Ierusalem carmen hoc cantabit:
- Fax est nunc Christicolis, Christus proximabit,
- Et redemptos sanguine mire collustrabit,
- Nycolai pueros omnes coronabit!
- Nycolaus famulus Christi transfretabit,
Fontes
recensere- Chronicon rhythmicum Austriacum (vide Monumenta Germaniae historica ~: Scriptores vol. 25 p. 356)
Bibliographia
recensere- Gary Dickson, "La genèse de la croisade des enfants (1212)" in Bibliothèque de l'école des chartes vol. 153 (1995) pp. 53-102, esp. pp. 83-84
- George Zabriskie Gray, The Children's Crusade: an episode of the thirteenth century (Hurd & Houghton, 1870) pp. v-vi [textus Latinus], pp. 241-242 [versio Anglica] Editio 1898 apud archive.org
De hac re nexus intervici usque adhuc absunt. Adde, si reppereris.