Nicolaus del Techo
Nicolaus del Techo (Fr. Nicolas de Toigt, Hisp. Nicolás de Techo), natus Insulae anno 1611 et mortuus in Urbe Assumptionis anno 1680, Iesuita fuit Francogallicus et rerum scriptor Paraquariae. Anno 1630 in Societatem Jesu ingressus est. Humanitatem docuit. Anno 1649 Paraquariam venit, ubi indigenas evangelizabat et in collegio in Urbe Assumptionis docuit. In Historia provinciae Paraquariae societatis Jesu, quam composuit, opera anteriorum scriptorum rerum Jesuiticarum usus est. Manuscriptum huius libri, ab Indis Guarani magna cum diligentia factum sic, ut typos imitaretur, in Bibliotheca Matritensi servatur.
