Nasalis bilabialis

Nasalis bilabialis est consonans, cuius symbolum IPA est m minuscula. Itaque [m] littera simplici ea nasalium bilabialium species signatur, quae in linguis mundi usitatissima est. Aliae autem, quae rariores sunt, species signis diacriticis additis notantur. Consonantes huius generis sunt

loco articulandi bilabiales, quia ambo labia phono articulando operantur;
modo articulandi nasales, quia velo demisso aëris in cavum oris aditus impeditur, quo fit, ut aëris impetus e pulmonibus egressus in meatum vocalem directus per nares crepitu quodam exeat.

Nasales bilabiales sunt insuper consonantes resonantes sive natura sonorae, quia impetus aëris per chordas vocales paene necessario vibrantes dirigitur.

IPA	Descriptio	Specimen
IPA	Descriptio	Lingua	Orthographia	IPA	Sensus
m	Nasalis bilabialis	Latina	emimus	['emimus]
m̥	Nasalis bilabialis surda	Mazateca		[m̥a]^[1]	'niger'
mʲ	Nasalis bilabialis palatalizata	Russica	белого	['bʲɛləvə]	'albi' (genetivus)
mʷ	Nasalis bilabialis labializata	Arrernte orientalis		[mʷaɹ̬ə]^[2]	'bonus'
m̰	Nasalis bilabialis laryngalizata	Kwakw'ala		[m̰um̰uxdi]^[3]	'arbor balsamea'
m̤	Nasalis bilabialis murmurans	Hindi	कुमार	[kʊm̤a:r]	'figulus'
m:	Nasalis bilabialis longa	Latina	mamma	['mam:a]

Notae

↑ Ladefoged & Maddieson (1996: 107). Interdum etiam de nasali aspirata dicitur et [m̥ʰ] scribitur (op.cit. 116).
↑ Ladefoged & Maddieson (1996: 357).
↑ Ladefoged & Maddieson (1996: 109).

Bibliographia

Ladefoged, Peter & Maddieson, Ian (1996) The Sounds of the World's Languages. Blackwell: Oxford.

[1] Ladefoged & Maddieson (1996: 107). Interdum etiam de nasali aspirata dicitur et [m̥ʰ] scribitur (op.cit. 116).

[2] Ladefoged & Maddieson (1996: 357).

[3] Ladefoged & Maddieson (1996: 109).

[1]

[2]

[3]